Hulpsentrum
Heronderrig
Berader
Klein Klasindelings
Grondslagfase
By Skuilkrans is elke leerder en sy holistiese ontwikkeling ons hooffokus om sodoende elkeen se uniekheid na vore te bring. Omdat grondslagfase leerders in ‘n baie spesiale ontwikkelingsfase is, is die aanleer van morele en etiese aanvaarbare gedrag vir ons van groot belang. Vanuit die waardes vind ons dat daar groot suksesse op akademiese gebied plaasvind. Die klasse is toegerus met die nuutste tegnologie om sodoende verskeie leerstyle aan te spreek en daardeur word die akademie baie versterk. Ons volg die beleid en voorskrifte van die KABV. Assessering geskied deurlopend deur middel van assesseringstake. Leerlinge wat intervensie benodig , ontvang die nodige ondersteuning d.m.v heronderrigklasse wat op spesifieke dae plaasvind na skool. By Skuilkrans kry leerders die geleentheid vir groei en word hul voorberei vir hul toekoms.
Senior Akademie
Laerskool Skuilkrans roem op ‘n uitsonderlike, hoë akademiese standaard. Die suksesse wat behaal is oor vele jare is sigbaar in ons oud-leerlinge wanneer hulle die Laerskool verlaat. Ons lewer ‘n stewige platform vir al ons leerlinge waarop ‘n sterk fondasie vir hul toekoms gebou word. Elke ingeskrewe leerder by Laerskool Skuilkrans word die geleentheid tot ontwikkeling gebied. Omdat elke leerder van die skool vir ons uiters belangrik is, fokus ons deurgaans op die optimale ontwikkeling van ons leerlinge se eie, unieke potensiaal en talente. Hier is dus plek vir ieder en elk by Laerskool Skuilkrans Ons vermag hierdie taak maklik deur van die mees ervare en beste gekwalifiseerde onderwysers en mentors met die nodige kundigheid gebruik te maak. Ons poog om alle aktiwiteite met ‘n hoë vlak van professionalisme aan te pak, kwaliteit onderrig te alle tye daar te stel en sodoende leerders geliefd en gewaardeerd te laat voel, sodat hul geinspireer word tot hoër hoogtes. Ons spog met puik ondersteuningstelsels wat bydra tot ons uitstaande jaarlikse slaagpersentasies. Optimale leer, groei en geleenthede word daar gestel om ‘n goed gebalanseerde leerder hoërskool toe te stuur. Die skool se weldeurdagte en deeglik, beproefde oorskakelingsprogram verseker dat die oorgee van die aflosstokkie vanaf die junior na die senior departement rimpelloos geskied. Graad 4’s word sagkens by die senior departement se werkswyse ingeskakel en dit dra by tot minder angstigheid en meer gelukkige kindergesiggies. ‘n Gesonde kultuur van prestasie word in ons skoolgemeenskap gekweek. Akademie is ons KERNBESIGHEID en hier streef ons na UITNEMENDHEID.
